Цырымонія ўшанавання выпускнікоў ваенных ВНУ і вышэйшага афіцэрскага складу
- 22
Цяперашнія Выпускнікі ваенных ВНУ павінны выкарыстоўваць усе свае веды і вопыт для павышэння эфектыўнасці і забеспячэння нацыянальнай бяспекі краіны. Аб гэтым Прэзідэнт Рэспублікі Беларусь Аляксандр Лукашэнка заявіў 7 ліпеня на цырымоніі ўшанавання выпускнікоў ваенных ВНУ і вышэйшага афіцэрскага складу.
Кіраўнік дзяржавы падкрэсліў, што ў цяперашніх умовах як ніколі важна вывучаць новыя формы ваенных дзеянняў, адсочваць зменлівую абстаноўку ў свеце. "Мы бачым, што ўзброеныя сутыкненні адбываюцца на Блізкім Усходзе, у Паўночнай Афрыцы, у нашай брацкай Украіне. Сур'ёзную заклапочанасць выклікае актыўнасць паўночнаатлантычнага альянсу ва Усходняй Еўропе", - канстатаваў Прэзідэнт.
Цяпер спосабы і формы вядзення вайны істотна змяніліся і сілавыя структуры Беларусі павінны дынамічна развівацца і ісці ў нагу з часам, дадаў Аляксандр Лукашэнка. "Таму сістэма абароны нашай краіны мае патрэбу ў пастаянным удасканаленні. Прыйшоўшы на новае месца службы, у свае падраздзяленні, вырашэнне гэтай задачы стане вашым непасрэдным абавязкам і вашай штодзённай работай", - сказаў Кіраўнік дзяржавы, звяртаючыся да выпускнікоў ваенных ВНУ. Пры гэтым Прэзідэнт акцэнтаваў, што "мы забяспечваем не толькі свой суверэнітэт, але і цесна ўзаемадзейнічаем з партнёрамі па Саюзнай дзяржаве і Арганізацыі Дагавора аб калектыўнай бяспецы".
Аляксандр Лукашэнка звярнуў увагу, што эфектыўнасць і якасць навучання ў айчынных ваенных ВНУ прызнаны далёка за межамі краіны. Аб гэтым сведчыць запатрабаванасць падрыхтоўкі ў Беларусі прадстаўнікоў Узброеных Сіл блізкага і далёкага замежжа. "Няма той міжнароднай сустрэчы, дзе мае калегі-прэзідэнты не звярталіся б з просьбай дапамагчы ў падрыхтоўцы нацыянальных кадраў Узброеных Сіл. І гэта не толькі постсавецкая прастора. Гэта буйнейшыя дзяржавы нашай планеты. Ім падабаецца ўзровень падрыхтоўкі, парадак, адсутнасць усялякага фармалізму", - падкрэсліў Кіраўнік дзяржавы. Пэўную ролю адыгрывае і кошт навучання, але "галоўнае - гэта якасць і ўзровень падрыхтоўкі тых, хто прыязджае да нас за ведамі", дадаў Прэзідэнт.
Якаснай падрыхтоўцы афіцэрскага корпуса ў краіне ўдзяляецца асаблівая ўвага, адзначыў Аляксандр Лукашэнка. Карпатлівае выбудоўванне надзейнай сістэмы абароны, стварэнне мабільнай, высокапрафесійнай, баяздольнай арміі, якая можа процістаяць любым пагрозам сучаснасці, застаецца задачай першараднай важнасці на працягу двух дзясяткаў гадоў суверэннага развіцця Беларусі.
"Прафесія абаронцы Айчыны заўсёды карысталася павагай у нашага народа. Асабліва яскрава гэта відаць у год 70-годдзя Вялікай Перамогі, калі мы ўсенародна ўшаноўвалі воінаў-вызваліцеляў, наследнікамі слаўных традыцый якіх вы цяпер з'яўляецеся", - сказаў беларускі лідар.
Сёння на ўрачыстай цырымоніі Прэзідэнт уручыў генеральскія пагоны афіцэрам Узброеных Сіл, камітэтаў дзяржаўнай бяспекі і судовых экспертыз, пракуратуры. Кіраўнік дзяржавы таксама ўручыў шэрагу выпускнікоў ваенных ВНУ спецыяльныя лісты аб аб'яўленні падзякі Прэзідэнта Беларусі за выдатныя поспехі ў вучобе, узорнае выкананне воінскага абавязку. Аляксандр Лукашэнка пажадаў усім прысутным быць дастойнымі абаронцамі Айчыны.
Кіраўнік дзяржавы падкрэсліў, што ў цяперашніх умовах як ніколі важна вывучаць новыя формы ваенных дзеянняў, адсочваць зменлівую абстаноўку ў свеце. "Мы бачым, што ўзброеныя сутыкненні адбываюцца на Блізкім Усходзе, у Паўночнай Афрыцы, у нашай брацкай Украіне. Сур'ёзную заклапочанасць выклікае актыўнасць паўночнаатлантычнага альянсу ва Усходняй Еўропе", - канстатаваў Прэзідэнт.
Цяпер спосабы і формы вядзення вайны істотна змяніліся і сілавыя структуры Беларусі павінны дынамічна развівацца і ісці ў нагу з часам, дадаў Аляксандр Лукашэнка. "Таму сістэма абароны нашай краіны мае патрэбу ў пастаянным удасканаленні. Прыйшоўшы на новае месца службы, у свае падраздзяленні, вырашэнне гэтай задачы стане вашым непасрэдным абавязкам і вашай штодзённай работай", - сказаў Кіраўнік дзяржавы, звяртаючыся да выпускнікоў ваенных ВНУ. Пры гэтым Прэзідэнт акцэнтаваў, што "мы забяспечваем не толькі свой суверэнітэт, але і цесна ўзаемадзейнічаем з партнёрамі па Саюзнай дзяржаве і Арганізацыі Дагавора аб калектыўнай бяспецы".
Аляксандр Лукашэнка звярнуў увагу, што эфектыўнасць і якасць навучання ў айчынных ваенных ВНУ прызнаны далёка за межамі краіны. Аб гэтым сведчыць запатрабаванасць падрыхтоўкі ў Беларусі прадстаўнікоў Узброеных Сіл блізкага і далёкага замежжа. "Няма той міжнароднай сустрэчы, дзе мае калегі-прэзідэнты не звярталіся б з просьбай дапамагчы ў падрыхтоўцы нацыянальных кадраў Узброеных Сіл. І гэта не толькі постсавецкая прастора. Гэта буйнейшыя дзяржавы нашай планеты. Ім падабаецца ўзровень падрыхтоўкі, парадак, адсутнасць усялякага фармалізму", - падкрэсліў Кіраўнік дзяржавы. Пэўную ролю адыгрывае і кошт навучання, але "галоўнае - гэта якасць і ўзровень падрыхтоўкі тых, хто прыязджае да нас за ведамі", дадаў Прэзідэнт.
Якаснай падрыхтоўцы афіцэрскага корпуса ў краіне ўдзяляецца асаблівая ўвага, адзначыў Аляксандр Лукашэнка. Карпатлівае выбудоўванне надзейнай сістэмы абароны, стварэнне мабільнай, высокапрафесійнай, баяздольнай арміі, якая можа процістаяць любым пагрозам сучаснасці, застаецца задачай першараднай важнасці на працягу двух дзясяткаў гадоў суверэннага развіцця Беларусі.
"Прафесія абаронцы Айчыны заўсёды карысталася павагай у нашага народа. Асабліва яскрава гэта відаць у год 70-годдзя Вялікай Перамогі, калі мы ўсенародна ўшаноўвалі воінаў-вызваліцеляў, наследнікамі слаўных традыцый якіх вы цяпер з'яўляецеся", - сказаў беларускі лідар.
Сёння на ўрачыстай цырымоніі Прэзідэнт уручыў генеральскія пагоны афіцэрам Узброеных Сіл, камітэтаў дзяржаўнай бяспекі і судовых экспертыз, пракуратуры. Кіраўнік дзяржавы таксама ўручыў шэрагу выпускнікоў ваенных ВНУ спецыяльныя лісты аб аб'яўленні падзякі Прэзідэнта Беларусі за выдатныя поспехі ў вучобе, узорнае выкананне воінскага абавязку. Аляксандр Лукашэнка пажадаў усім прысутным быць дастойнымі абаронцамі Айчыны.