Сустрэча з Прэзідэнтам Егіпта Абдэлем Фатахам аль-Сісі

Беларусь і Егіпет распрацуюць дарожную карту гандлёва-эканамічнага супрацоўніцтва. Аб гэтым дамовіліся прэзідэнты дзвюх краін Аляксандр Лукашэнка і Абдэль Фатах аль-Сісі на сустрэчы 28 верасня.

 

Дарожная карта будзе распрацавана на пасяджэнні міжурадавай камісіі, якое пройдзе да канца года ў Каіры.

Лідары дзвюх дзяржаў абмеркавалі ідэю рэалізацыі шматбаковых эканамічных праектаў з удзелам Беларусі, Егіпта і трэціх краін.

Гэта першая сустрэча лідараў дзвюх краін. Прэзідэнты дамовіліся аб абмене візітамі.

Кіраўнікі дзяржаў таксама пацвердзілі стабільнасць і ўстойлівасць адносін паміж Беларуссю і Егіптам, трывалыя традыцыі ўзаемнага разумення і падтрымкі, у тым ліку ў шматбаковых міжнародных арганізацыях.