Спачуванне родным і блізкім прэзідэнта НАН Украіны Барыса Патона
Прэзідэнт Беларусі Аляксандр Лукашэнка накіраваў спачуванне родным і блізкім прэзідэнта Нацыянальнай акадэміі навук Украіны, акадэміка Барыса Патона.
Кіраўнік дзяржавы адзначыў, што паведамленне аб смерці Барыса Патона - выдатнага сына ўкраінскага народа, таленавітага вучонага, значнага грамадскага дзеяча, прэзідэнта Нацыянальнай акадэміі навук Украіны - Беларусь успрыняла з пачуццём глыбокага смутку. "Яго ўклад у сусветную навуку велізарны. Фундаментальныя працы і практычныя распрацоўкі, створаныя гэтым легендарным чалавекам, сталі асновай для новых навуковых напрамкаў, дысцыплін і цэлых галін вытворчасці. З яго імем таксама звязаны значныя дасягненні НАН Украіны, якую ён узначальваў амаль шэсць дзесяцігоддзяў", - падкрэсліў Аляксандр Лукашэнка.
"Заслугі вялікага акадэміка перад чалавецтвам адзначаны многімі ўзнагародамі, сярод якіх ёсць і беларускія ордэны - Дружбы народаў і Францыска Скарыны. Вучоны быў вялікім сябрам нашай краіны і шмат зрабіў для ўмацавання беларуска-ўкраінскай дружбы і супрацоўніцтва", - гаворыцца ў спачуванні.
Кіраўнік дзяржавы адзначыў, што Барыс Патон пражыў доўгае, яркае, вельмі насычанае жыццё, а яго адыход з'яўляецца незаменнай стратай.