Спачуванне Прэзідэнту Турцыі Рэджэпу Таіпу Эрдагану
Прэзідэнт Беларусі Аляксандр Лукашэнка накіраваў спачуванне Прэзідэнту Турцыі Рэджэпу Таіпу Эрдагану ў сувязі з гібеллю людзей пры ўзрыве ў Стамбуле.
Кіраўнік дзяржавы адзначыў, што ў Беларусі з вялікім болем і смуткам успрынята вестка аб страшэнным узрыве ў Стамбуле, які прывёў да чалавечых ахвяр.
"Ад імя беларускага народа і ад сябе асабіста прыміце глыбокія спачуванні ў сувязі з гэтай трагедыяй. Рэспубліка Беларусь рашуча асуджае гэты цынічны і бесчалавечны ўчынак, якому няма і не можа быць апраўдання", - гаворыцца ў спачуванні.
Аляксандр Лукашэнка таксама перадаў словы падтрымкі родным і блізкім загінулых, пажадаў найхутчэйшага выздараўлення ўсім пацярпелым у выніку гэтага трагічнага здарэння.