Спачуванне Прэзідэнту Ісламскай Рэспублікі Пакістан Арыфу Алві
Прэзідэнт Беларусі Аляксандр Лукашэнка накіраваў спачуванне Прэзідэнту Ісламскай Рэспублікі Пакістан Арыфу Алві ў сувязі са шматлікімі ахвярамі ў выніку крушэння пасажырскага самалёта недалёка ад аэрапорта горада Карачы.
Кіраўнік дзяржавы адзначыў, што ў Беларусі з вялікім смуткам успрынялі гэта трагічнае паведамленне. Ад імя беларускага народа і сябе асабіста Прэзідэнт выказаў шчырыя спачуванні пакістанскаму народу, родным і блізкім загінулых, а таксама пажадаў хутчэйшага выздараўлення пацярпелым.