Спачуванне народу Грузіі ў сувязі з ахвярамі ад сходу апоўзня ў Шові
Прэзідэнт Беларусі Аляксандр Лукашэнка накіраваў спачуванне народу Грузіі ў сувязі з чалавечымі ахвярамі ў выніку стыхійнага бедства, выкліканага сходам апоўзня на курорце Шові.
"У Рэспубліцы Беларусь з вялікім смуткам успрынялі вестку аб чалавечых ахвярах і пацярпелых у выніку стыхійнага бедства, выкліканага сходам апоўзня на курорце Шові, - гаворыцца ў спачуванні. - Ад усяго беларускага народа і ад сябе асабіста выказваю шчырыя спачуванні родным і блізкім загінулых, жадаю хутчэйшага выздараўлення пацярпелым, стойкасці і мужнасці ўсяму народу Грузіі".