Віншаванне ўдзельнікам XXVII Мінскага міжнароднага кінафестывалю "Лістапад"
Прэзідэнт Беларусі Аляксандр Лукашэнка павіншаваў удзельнікаў XXVII Мінскага міжнароднага кінафестывалю "Лістапад" з адкрыццём форуму.
"Гэта сапраўднае свята таленту і духоўнасці. Пад яго эгідай аб'ядноўваюцца прызнаныя майстры і адораная моладзь, дэманструюцца лепшыя дасягненні нацыянальных кінашкол", - гаворыцца ў віншаванні.
Кіраўнік дзяржавы адзначыў, што дэвіз сёлетняга фестывалю "Кіно - сімфонія адзінства" адлюстроўвае імкненне да гармоніі, стваральнай дзейнасці і захавання традыцый фестывальных сустрэч, якія славяцца дружалюбнай атмасферай.
"Упэўнены, што мерапрыемства стане значнай падзеяй года і падорыць гледачам шмат яркіх уражанняў і пазітыўных адкрыццяў", - падкрэсліў Аляксандр Лукашэнка.
Прэзідэнт пажадаў арганізатарам, удзельнікам і гасцям кінафестывалю творчага натхнення, міру і дабрабыту.