Віншаванне Прэзідэнту Узбекістана Шаўкату Мірзіёеву

Прэзідэнт Беларусі Аляксандр Лукашэнка павіншаваў Прэзідэнта Узбекістана Шаўката Мірзіёева і народ гэтай краіны з 35-й гадавінай дзяржаўнай незалежнасці.

"За мінулыя гады краіна дабілася маштабных поспехаў ва ўмацаванні суверэнітэту. Сведчаннем вернасці і эфектыўнасці праводзімага Вамі палітычнага курсу з'яўляюцца ўстойлівае сацыяльна-эканамічнае развіццё дзяржавы, рост дабрабыту грамадзян і павышэнне аўтарытэту рэспублікі на міжнароднай арэне", - гаворыцца ў віншаванні.

Прэзідэнт Беларусі выказаў упэўненасць, што непарушная дружба і ўзаемны давер паміж Мінскам і Ташкентам будуць і ў далейшым залогам паглыблення і пашырэння шматграннага беларуска-ўзбекскага супрацоўніцтва ў рэчышчы стратэгічнага партнёрства.

Аляксандр Лукашэнка пажадаў Шаўкату Мірзіёеву здароўя, шчасця і новых здзяйсненняў на адказнай дзяржаўнай пасадзе, а жыхарам Узбекістана - міру і працвітання.