Віншаванне Прэзідэнту Таджыкістана Эмамалі Рахмону
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Таджыкістана Эмамалі Рахмона з нацыянальным святам - Днём Дзяржаўнай незалежнасці.
"Пад Вашым кіраўніцтвам краіна дэманструе ўражальныя вынікі ў сацыяльна-эканамічным развіцці, забеспячэнні рэгіянальнай стабільнасці, пашырэнні глабальных ініцыятыў", - гаворыцца ў віншаванні.
Прэзідэнт запэўніў, што Мінск даражыць трывалымі беларуска-таджыкскімі адносінамі, заснаванымі на агульным гістарычным мінулым, узаемнай павазе, імкненні да міру і працвітання.
"Высока цаню нашу шматгадовую дружбу і даверны дыялог. Перакананы, што сумесная плённая праца будзе садзейнічаць нарошчванню тэмпаў міждзяржаўнага супрацоўніцтва па ўсім спектры двухбаковых кантактаў", - падкрэсліў беларускі лідар.
Аляксандр Лукашэнка пажадаў Эмамалі Рахмону добрага здароўя і далейшых здзяйсненняў, а народу Таджыкістана - шчасця і дабрабыту.