Віншаванне калектыву МТРК "Мір" з 30-годдзем заснавання тэлерадыёкампаніі

    Дарагія сябры!

    Віншую вас з 30-годдзем з дня заснавання Міждзяржаўнай тэлерадыёкампаніі "Мір".

    Заявіўшы пра сябе тры дзесяцігоддзі таму як пра міжнацыянальны медыяхолдынг, вы аб'ядналі ў адным інфармацыйным полі гісторыі развіцця маладых незалежных дзяржаў, далі новы віток братэрскім адносінам паміж суверэннымі, звязанымі ў мінулым агульным лёсам народамі.

    Сёння вы з'яўляецеся вялікай інтэрнацыянальнай камандай прафесійных і таленавітых супрацоўнікаў радыё і тэлебачання, якая стварае выпускі навін, дакументальныя і забаўляльныя праекты, якія па заслугах ацэнены шматмільённай аўдыторыяй краін Садружнасці і далёка за яе межамі.

    Няхай высакародная місія ўмацавання даверу і ўзаемапавагі паміж народамі і дзяржавамі, закладзеная ў самой назве тэлерадыёкампаніі, і ў будучым натхняе на стваральную творчасць, а мір і дух добрасуседства прыходзяць у кожны дом.

    Жадаю вам далейшага прафесійнага росту, невычэрпнай энергіі, новых і запамінальных праектаў!

    Аляксандр Лукашэнка