Віншаванне калектыву і ветэранам ААТ "Савушкін прадукт"

Прэзідэнт Беларусі Аляксандр Лукашэнка павіншаваў калектыў і ветэранаў ААТ "Савушкін прадукт" з маючым адбыцца ў гэтым годзе юбілеем - 50-годдзем прадпрыемства.

"Паўстагоддзя - гэта не проста круглая дата, а цэлая эпоха: ад будаўніцтва Брэсцкага малочнага камбіната да стварэння аднаго з буйнейшых вытворцаў малочнай прадукцыі ва Усходне-Еўрапейскім рэгіёне і СНД", - гаворыцца ў віншаванні.

Кіраўнік дзяржавы адзначыў, што "Савушкін прадукт" па праву лічыцца візітнай карткай Беларусі. "Вашы дасягненні атрымліваюць вышэйшае прызнанне, а прысваенне Дзяржаўнага знака якасці з'яўляецца заслужанай узнагародай за няспынны пошук і наватарства", - дадаў ён.

Аляксандр Лукашэнка падкрэсліў, што і пяць дзесяцігоддзяў таму, і цяпер поспех першага малочнага брэнда краіны вызначаюць людзі, адданыя сваёй справе: "Калектыў прадпрыемства - больш за восем з паловай тысяч высакакласных спецыялістаў. Асаблівыя словы ўдзячнасці выказваю ветэранам, якія заклалі трывалыя традыцыі якасці, што перадаюцца з пакалення ў пакаленне".

Прэзідэнт перакананы, што і ў далейшым ААТ "Савушкін прадукт" - флагман айчыннай малочнай галіны - будзе пакараць новыя вяршыні, умацоўваць харчовую бяспеку краіны і яе аўтарытэт на міжнароднай арэне.

Кіраўнік дзяржавы пажадаў калектыву прадпрыемства здароўя, шчасця і далейшых прафесійных здзяйсненняў на карысць роднай Беларусі.