Віншаванне дырэктару Службы знешняй разведкі Расіі Сяргею Нарышкіну
Прэзідэнт Беларусі Аляксандр Лукашэнка павіншаваў дырэктара Службы знешняй разведкі Расіі Сяргея Нарышкіна з 70-годдзем.
"На працягу многіх гадоў Вы зарэкамендавалі сябе дасведчаным і кампетэнтным кіраўніком, прафесіяналам сваёй справы, які валодае глыбокімі ведамі і ўмее дабівацца пастаўленых мэт. Выконваючы абавязкі на многіх адказных пасадах, Вы аддана служыце Радзіме і зарабілі вельмі высокую павагу як аўтарытэтны і прынцыповы дзяржаўны дзеяч", - гаворыцца ў віншаванні.
Прэзідэнт выказаў упэўненасць у тым, што ў цяперашні няпросты час вопыт Сяргея Нарышкіна, яго энергія і талент сучаснага кіраўніка стануць залогам эфектыўнай работы па ўмацаванні беларуска-расійскіх адносін па лініі спецыяльных службаў, а таксама паслужаць далейшаму развіццю саюзніцкага і стратэгічнага партнёрства паміж дзвюма братэрскімі дзяржавамі.
Аляксандр Лукашэнка пажадаў Сяргею Нарышкіну моцнага здароўя, невычэрпнай энергіі, бадзёрасці духу і паспяховай рэалізацыі ўсіх планаў і пачынанняў.