Каментарый да Указа № 164 ад 13 мая 2020 г.

Прэзідэнт Беларусі Аляксандр Лукашэнка 13 мая падпісаў Указ "Аб зацвярджэнні справаздачы Нацыянальнага банка за 2019 год".

У адпаведнасці з дакументам у 2019 годзе дзейнасць Нацыянальнага банка была накіравана на захаванне асновы для збалансаванага і ўстойлівага развіцця эканомікі Беларусі шляхам падтрымання цэнавай і фінансавай стабільнасці.

Дасягнута асноўная мэта грашова-крэдытнай палітыкі - абмежаванне інфляцыі, якая склала 4,7% (пры прагнозным параметры не больш як 5%).

Забяспечана эфектыўнае функцыянаванне банкаўскага сектара, захаванне высокай даходнасці зберажэнняў у нацыянальнай валюце, а таксама даступнасць крэдытаў у беларускіх рублях.