Каментарый да Указа № 392 ад 30 жніўня 2012 г.

Парадак прадастаўлення тарыфных ільгот рэзідэнтам Парку высокіх тэхналогій Беларусі прыведзены ў адпаведнасць з патрабаваннямі Мытнага саюза і Адзінай эканамічнай прасторы. Адпаведны Указ № 392 "Аб асобных пытаннях падаткаабкладання рэзідэнтаў Парку высокіх тэхналогій" Кіраўнік дзяржавы падпісаў 30 жніўня.

Дакументам прыводзяцца ў адпаведнасць з патрабаваннямі дагаворнай прававой базы МС і АЭП нормы Указа Прэзідэнта ад 31 снежня 2007 года № 703 аб парадку прадастаўлення рэзідэнтам ПВТ тарыфных ільгот. У прыватнасці, устанаўліваецца, што заключэнні, якія пацвярджаюць мэтавае прызначэнне камп'ютарнага абсталявання і ўстройстваў, што выкарыстоўваюцца для вытворчасці праграмнага забеспячэння, будуць выдавацца асобна пры вызваленні ад мытных пошлін і пры вызваленні ад ПДВ.

Дакумент прыняты ў мэтах удасканалення ўмоў для распрацоўкі рэзідэнтамі Парку высокіх тэхналогій канкурэнтаздольнай навукаёмістай прадукцыі, мадэрнізацыі, тэхнічнага перааснашчэння вытворчасці, заснаванай на новых і высокіх тэхналогіях.

Прыняцце Указа накіравана на захаванне спрыяльных умоў функцыянавання ПВТ у рамках спецыяльнага прававога рэжыму.

Указ уступае ў сілу пасля яго афіцыйнага апублікавання.