Аляксандр Лукашэнка разгледзеў кадравыя пытанні

Прэзідэнт Рэспублікі Беларусь Аляксандр Лукашэнка 28 верасня разгледзеў кадравыя пытанні. Кіраўнік дзяржавы назначыў:

Прыму Віталя Аляксандравіча – Надзвычайным і Паўнамоцным Паслом Рэспублікі Беларусь у Рэспубліцы Індыя, Надзвычайным і Паўнамоцным Паслом Рэспублікі Беларусь у Дэмакратычнай Сацыялістычнай Рэспубліцы Шры-Ланка па сумяшчальніцтву;

Бяскостага Вячаслава Васільевіча – Надзвычайным і Паўнамоцным Паслом Рэспублікі Беларусь у Габонскай Рэспубліцы, Рэспубліцы Гамбія, Рэспубліцы Камерун, Рэспубліцы Малі, Рэспубліцы Сенегал і Тагалезскай Рэспубліцы па сумяшчальніцтву;

Калесніка Валерыя Георгіевіча – Надзвычайным і Паўнамоцным Паслом Рэспублікі Беларусь у Рэспубліцы Ірак па сумяшчальніцтву;

Моўчана Андрэя Леанідавіча – Надзвычайным і Паўнамоцным Паслом Рэспублікі Беларусь у Рэспубліцы Ангола, Рэспубліцы Мазамбік і Рэспубліцы Намібія па сумяшчальніцтву;

Паферава Алега Сяргеевіча – Надзвычайным і Паўнамоцным Паслом Рэспублікі Беларусь у Шматнацыянальнай Дзяржаве Балівія і Рэспубліцы Эквадор па сумяшчальніцтву.

Прэзідэнт таксама даў згоду на назначэнне:

Кухарава Уладзіміра Яўгенавіча – першым намеснікам старшыні Мінскага гарвыканкама;

Галя Андрэя Вадзімавіча – намеснікам старшыні Мінскага гарвыканкама;

Крапака Аляксандра Пятровіча – кіраўніком адміністрацыі Партызанскага раёна г.Мінска;

Паскробку Алега Рыгоравіча – кіраўніком адміністрацыі Цэнтральнага раёна г.Мінска;

Дзямідава Аляксандра Уладзіміравіча – генеральным дырэктарам закрытага акцыянернага таварыства "Беларуская нафтавая кампанія";

Семенюка Паўла Яўгенавіча – генеральным дырэктарам дзяржаўнага гандлёва-вытворчага аб'яднання "Белрэсурсы";

Яноўскага Аляксандра Уладзіміравіча – генеральным дырэктарам адкрытага акцыянернага таварыства "Керамін";

Лысюка Анатоля Анатольевіча – старшынёй праўлення адкрытага акцыянернага таварыства "Беларускі банк развіцця і рэканструкцыі "Белінвестбанк".

Назначаючы пасла ў Індыі і Шры-Ланцы па сумяшчальніцтву, Кіраўнік дзяржавы падкрэсліў, што гэты рэгіён вельмі важны для Беларусі, перш за ўсё ў прамысловых адносінах.

"Індыя – вельмі перспектыўная для нас краіна, гэта гіганцкая краіна з вялікім спажываннем розных тавараў, – сказаў Прэзідэнт. – Я бываў у Індыі, і там стаўленне да нас вельмі добрае. З намі гатовы працаваць, пачынаючы ад куплі тавараў і завяршаючы навуковымі распрацоўкамі, супрацоўніцтвам у навуковай сферы. Ім патрэбны тэхналогіі, якія ёсць у нас, але мы пакуль там працуем слаба". "Таму вам давядзецца гэты пласт узнімаць", – дадаў Аляксандр Лукашэнка, звяртаючыся да Віталя Прымы.

Звяртаючыся да сталічнай вертыкалі, Прэзідэнт падкрэсліў, што Мінск павінен стаць узорным горадам, у тым ліку ў частцы кіравання ім.

"Я вам скажу шчыра, паўтарыўшыся недзе: у мяне ўжо двойчы ўзнікала жаданне позна вечарам закрыць Мінгарвыканкам, апячатаць усе дзверы на суткі, а раніцай назначыць Старшыню Мінгарвыканкама, можа, нават ваеннага чалавека, які на працягу кароткага часу пачаў бы набіраць кіруючы склад, вярхі гарвыканкама, якія адсеялі б, па мінімуму пакінулі работнікаў і набралі новых", – сказаў Кіраўнік дзяржавы.

"Вось я вам шчыра, адкрыта яшчэ раз паўтараю жаданне, якое ў мяне двойчы ўзнікала. Я хацеў бы, каб гэта было апошні раз, – папярэдзіў Прэзідэнт. – Паблажкі ніякай не будзе. Як хочаце мяне разумейце. Вы павінны быць у гэтым больш зацікаўлены, чым я, вы ж мінчане, вы ж тут выраслі".

Аляксандр Лукашэнка падкрэсліў, што ў дзейнасці Мінгарвыканкама павінна быць выключана валакіта, асабліва ў рабоце з інвестарамі.

"Канкрэтны адказ на канкрэтнае пытанне павінен быць імгненны: так або не. Павінна быць вызначанасць, не павінна быць ніякай валакіты. Ніякіх доўгіх нарад, асабліва ў рабочы час, прашу гэта ўлічыць. І вы павінны шукаць розныя пункты гледжання, а не заглушаць ініцыятыву", – паставіў задачу Кіраўнік дзяржавы.