Аляксандр Лукашэнка павіншаваў калектыў газеты "Советская Белоруссия" з 85-годдзем выдання
Прэзідэнт Рэспублікі Беларусь Аляксандр Лукашэнка павіншаваў калектыў рэдакцыі і чытачоў газеты "Советская Белоруссия" з 85-годдзем з дня выхаду ў свет першага нумара газеты.
"Гісторыя "Советской Белоруссии" непарыўна звязана з лёсам нашай краіны і развіццём айчыннай журналістыкі, - гаворыцца ў віншаванні. - Ваша выданне мае выключнае значэнне ў палітычным і сацыяльным жыцці краіны, дынамічна развіваецца, застаючыся заўсёды цікавым для людзей розных пакаленняў".
Аляксандр Лукашэнка выказаў упэўненасць, што глыбіня зместу і асаблівая аўтарская пазіцыя публікацый і ў далейшым застануцца візітнай карткай выдання, а калектыўная праца яго работнікаў будзе важкім укладам у развіццё беларускай дзяржавы.
Прэзідэнт пажадаў аўтарам і чытачам газеты здароўя, дабрабыту і новых творчых вышынь.