Аляксандр Лукашэнка выказаў спачуванні родным і блізкім народнай артысткі РСФСР Ірыны Масленікавай

Прэзідэнт Беларусі Аляксандр Лукашэнка выказаў глыбокія спачуванні родным і блізкім народнай артысткі РСФСР Ірыны Масленікавай у сувязі з яе смерцю. Кіраўнік дзяржавы адзначыў, што творчасць Ірыны Масленікавай - адна з самых цудоўных старонак у гісторыі савецкай і расійскай культуры. Яна атрымала ўсенароднае прызнанне як выдатная оперная спявачка і надзвычай добры педагог, стваральніца школы акадэмічных спеваў. "У Беларусі Ірыну Іванаўну ведалі і цанілі як непераўзыдзенага майстра сцэны, чыя дзейнасць садзейнічала ўмацаванню дружбы і культурных сувязей паміж нашымі брацкімі краінамі. Яе адыход з жыцця - гэта незаменная страта для сусветнай музыкі", - гаворыцца ў спачуванні.