Аляксандр Лукашэнка разгледзеў кадравыя пытанні
Кіраўнік дзяржавы назначыў:
Іванова Валерыя Мікалаевіча - Намеснікам Кіраўніка Адміністрацыі Прэзідэнта Рэспублікі Беларусь;
Крата Аляксандра Міхайлавіча - першым намеснікам Старшыні Вышэйшай атэстацыйнай камісіі.
Прэзідэнт таксама даў згоду на назначэнне:
Кудравец Алены Аляксандраўны - генеральным дырэктарам закрытага акцыянернага таварыства "Беларуская калійная кампанія";
Гарбачова Андрэя Аляксеевіча - кіраўніком адміністрацыі Цэнтральнага раёна г.Гомеля;
Дарашэвіча Віктара Рыгоравіча - старшынёй Чачэрскага райвыканкама;
Пазняка Аляксандра Рыгоравіча - кіраўніком адміністрацыі Савецкага раёна г.Мінска;
Галоўчыца Алега Браніслававіча - старшынёй Любанскага райвыканкама;
Качаноўскага Ігара Міхайлавіча - намеснікам Міністра прыродных рэсурсаў і аховы навакольнага асяроддзя;
Седзіна Васіля Аляксеевіча - намеснікам Міністра сельскай гаспадаркі і харчавання;
Аўраменкі Аляксея Мікалаевіча - намеснікам Міністра транспарту і камунікацый;
Жамойцінай Наталлі Уладзіславаўны - намеснікам Міністра транспарту і камунікацый;
Шэнца Леаніда Васільевіча - першым намеснікам Міністра энергетыкі;
Кулакоўскага Валерыя Лявонцьевіча - намеснікам Міністра юстыцыі.
Звяртаючыся да Алены Кудравец, Аляксандр Лукашэнка звярнуў увагу на тое, што ёй добра знаёма сітуацыя ў калійнай сферы. Прэзідэнт адзначыў, што "гэта не толькі сфера калійных угнаенняў, гэта сфера гандлю, прытым у глабальным маштабе. Гэта не тое, што прыйшоў, недзе прыкупіў нешта, потым перапрадаў, як у нас цяпер гэта прынята, а гэта вялікая палітыка ў сферы продажаў".
"Вы актыўны ўдзельнік той камісіі, якая вывучала сітуацыю на калійным рынку ўвогуле, Вы аналізавалі работу Беларускай калійнай кампаніі, якая займаецца рэалізацыяй калійных угнаенняў Беларусі і Расійскай Федэрацыі. Больш таго, Вы добра ведаеце сітуацыю не толькі ў нашага вытворцы, але і расійскага. І, напэўна, я так мяркую, такіх спецыялістаў, як Вы, у краіне нямнога, якія так валодалі б сітуацыяй па прадажах калійных угнаенняў", - сказаў Кіраўнік дзяржавы.
"Валерыя Іванова мы перавядзём на іншую работу. У нас такіх вялікіх, быццам бы, і прэтэнзій да яго няма, але яму цяжка працаваць у гэтай сферы, паколькі ён з ёй ніколі не сутыкаўся, - сказаў Прэзідэнт. - Таму мы яго вопыт будзем выкарыстоўваць тут, унутры краіны, ён будзе назначаны на іншую пасаду".
"Нам ні ў якім разе нельга страціць расійскую кампанію, бо мы больш магутныя, мы самая магутная кампанія па рэалізацыі калійных угнаенняў, калі мы з расіянамі дзейнічаем разам. Але, зразумела, не трэба забываць і беларускія інтарэсы, бо з таго боку - прыватная кампанія. І ў дзяржавы, і прыватніка не заўсёды супадаюць у нюансах мэты, але, тым не менш, як яны, так і мы, хочам прадаць больш і даражэй, гэта зразумела, і ў гэтым галоўным нашы інтарэсы супадаюць, - адзначыў Кіраўнік дзяржавы. - Трэба ўзяць пад кантроль усе патокі, па якіх лініях яны ні рэалізоўваліся б, і паглядзець на цэны".
Аляксандр Лукашэнка даручыў таксама сур'ёзна прааналізаваць сітуацыю ў калектыве БКК.
Звяртаючыся да кіраўнікоў мясцовых выканаўчых органаў, Прэзідэнт падкрэсліў, што яны павінны адыгрываць большую ролю ў развіцці краіны і асабліва ў рабоце з людзьмі. Аляксандр Лукашэнка са шкадаваннем заўважыў, што, нягледзячы на тое, што ў краіне прынята рашэнне ўзмацніць ролю асноўнага звяна вертыкалі ўлады, усё яшчэ не ў поўнай меры задзейнічаны старшыні райвыканкамаў, кіраўнікі гарадскіх адміністрацый.
Кіраўнік дзяржавы папярэдзіў мясцовую вертыкаль аб недапушчальнасці карупцыі ў іх рабоце.
"З-за таго, што мы вельмі жорстка рэалізуем курс у краіне на парадак, сумленнасць і справядлівасць (гэта ніякая не кампанейшчына, гэтаму пытанню мы заўсёды ўдзяляем вялікую ўвагу, рабоце з людзьмі і сумленнасці, справядлівасці, і праходзяць мерапрыемствы антыкарупцыйнай накіраванасці, прытым у жорсткім ключы), я проста вас, як і ўсіх, чарговы раз хачу папярэдзіць, што тут ніякіх паблажак быць не можа, - падкрэсліў Аляксандр Лукашэнка. - Тут я вам не памочнік і зберагчы вас ад гэтых артыкулаў крымінальнага кодэкса я не змагу. Гэта прынцыпова. Таму я вельмі вас прашу заўсёды мець гэта на ўвазе".