Аляксандр Лукашэнка правёў рабочую сустрэчу з Міністрам фінансаў Андрэем Харкаўцом

Прэзідэнт Рэспублікі Беларусь Аляксандр Лукашэнка 16 верасня правёў рабочую сустрэчу з Міністрам фінансаў Андрэем Харкаўцом.

У цэнтры ўвагі быў праект Указа, які датычыцца пытанняў падаткаабкладання, пераацэнкі маёмасці і спагнання арэнднай платы за зямельныя ўчасткі, якія знаходзяцца ў дзяржаўнай уласнасці. "Ці няма тут якіх-небудзь залішніх ільгот, выключэнняў і іншага, каб мы потым зноў гераічна іх не пераадольвалі? - пацікавіўся Прэзідэнт. - Асабліва ў нас цяпер вельмі папулярны тэзіс, што прадпрымальнікаў трэба падтрымліваць, ільгатаваць, нібыта яны самыя бедныя. Так, іх трэба падтрымліваць, але цывілізавана".

"Новае заўсёды добра, калі яно жыццём запатрабавана, а калі не, то, можа, і не трэба на гэтыя навінкі вельмі кідацца", - дадаў Аляксандр Лукашэнка.

Як далажыў Андрэй Харкавец, паколькі і зямельны падатак, які спаганяецца ў рамках Падатковага кодэкса, і арэндная плата за зямлю - гэта аналагі па сваім характары, складзе плацельшчыкаў, тэрмінах і сумах спаганяемых плацяжоў, у сувязі з гэтым прадугледжваюцца аднолькавыя падыходы да іх спагання. "Ніякіх новых ільгот і прывілей пры гэтым уводзіцца не будзе", - удакладніў Міністр.

Кіраўнік дзяржавы адобрыў такое рашэнне, і адпаведны Указ будзе падпісаны ў бліжэйшы час.