Аляксандр Лукашэнка павіншаваў заслужанага дзеяча культуры Беларусі Уладзіміра Карызну з 75-годдзем

    Прэзідэнт Рэспублікі Беларусь Аляксандр Лукашэнка павіншаваў заслужанага дзеяча культуры Беларусі Уладзіміра Карызну з 75-годдзем.

    "Сваім вялікім талентам і шматгадовай творчай работай Вы заслужылі вялікую папулярнасць і прызнанне шматлікіх чытачоў. Песні на Вашы вершы ўпрыгожваюць рэпертуар вядомых выканаўцаў і творчых калектываў краіны", - гаворыцца ў віншаванні.

    Аляксандр Лукашэнка пажадаў Уладзіміру Карызне здароўя, бадзёрасці, шчасця, натхнення і новых поспехаў. "Няхай і ў далейшым Ваша творчасць узбагачае скарбонку беларускай культуры", - падкрэсліў Прэзідэнт.