Аляксандр Лукашэнка павіншаваў народную артыстку Беларусі Святлану Акружную з юбілеем
Кіраўнік дзяржавы Аляксандр Лукашэнка павіншаваў народную артыстку Беларусі Святлану Акружную з юбілеем.
Як адзначыў Прэзідэнт, назаўсёды звязаўшы сваё жыццё з мастацтвам і сцэнай Нацыянальнага акадэмічнага драматычнага тэатра імя Якуба Коласа, Святлана Акружная дасягнула зорных вышынь і заслужыла прызнанне калег і публікі.
"Спадзяюся, што Вы і ў далейшым будзеце радаваць нас сваім вялікім талентам і вытанчаным акцёрскім майстэрствам, уносіць важкі ўклад у папаўненне скарбніцы беларускай культуры", - гаворыцца ў віншаванні.