Аляксандр Лукашэнка павіншаваў народнага артыста СССР Аляксея Баталава з 85-годдзем
Прэзідэнт Рэспублікі Беларусь Аляксандр Лукашэнка павіншаваў народнага артыста СССР, Героя Сацыялістычнай Працы Аляксея Баталава з 85-годдзем.
"Вялікі талент, акцёрскае майстэрства і ўменне глыбока пранікаць ва ўнутраны свет сваіх герояў, ствараючы надзвычайна яркія, цэльныя і праўдзівыя вобразы і характары, прынеслі вам заслужанае прызнанне і любоў гледачоў", - гаворыцца ў віншаванні.
Кіраўнік дзяржавы выказаў упэўненасць, што і ў далейшым мастацтва Аляксея Баталава, заснаванае на высокіх маральных і эстэтычных ідэалах, будзе садзейнічаць умацаванню культурных сувязей брацкіх народаў Беларусі і Расіі.