Аляксандр Лукашэнка павіншаваў народнага артыста Расіі Уладзіміра Ільіна з 65-годдзем

    Прэзідэнт Беларусі Аляксандр Лукашэнка павіншаваў народнага артыста Расійскай Федэрацыі Уладзіміра Ільіна з 65-годдзем.

    "Дзякуючы свайму таленту і майстэрству Вы стварылі дзясяткі яркіх, запамінальных вобразаў у цудоўных кінастужках, якія сталі класікай экрана і атрымалі шырокае прызнанне гледачоў", – гаворыцца ў віншаванні.

    "На беларускай зямлі Вы заваявалі сэрцы тысяч паклоннікаў. Упэўнены, што Ваша насычаная і плённая дзейнасць і ў далейшым будзе садзейнічаць умацаванню дружбы і культурных сувязей нашых брацкіх народаў", – адзначыў Прэзідэнт.

    Аляксандр Лукашэнка пажадаў Уладзіміру Ільіну здароўя, натхнення, новых творчых поспехаў, шчасця і дабрабыту.