Аляксандр Лукашэнка назначыў стыпендыі на 2014 год 94 аспірантам

Прэзідэнт Рэспублікі Беларусь назначыў стыпендыі на 2014 год 94 аспірантам, якія дабіліся асаблівых поспехаў у навукова-даследчай дзейнасці. Адпаведнае Распараджэнне Аляксандр Лукашэнка падпісаў 29 студзеня.

Усе маладыя вучоныя, якім назначаны стыпендыі Прэзідэнта, своечасова і якасна вядуць падрыхтоўку кандыдацкіх дысертацый. 23 аспіранты маюць выдатную паспяховасць, 10 з'яўляюцца аўтарамі (суаўтарамі) манаграфій, 26 маюць патэнты на вынаходствы і карысныя мадэлі, 76 - акты аб укараненні вынікаў даследавання ў практыку.

Назначэнне стыпендыі будзе садзейнічаць стымуляванню творчай актыўнасці аспірантаў, павышэнню эфектыўнасці і якасці іх навукова-даследчай дзейнасці.

Прыняцце Распараджэння з'яўляецца яшчэ адным сведчаннем пастаяннай падтрымкі кіраўніком дзяржавы таленавітай моладзі.