Аляксандр Лукашэнка падпісаў Указ аб прыёме ў грамадзянства 220 чалавек

    У беларускае грамадзянства прыняты 220 чалавек, у тым ліку 27 непаўналетніх. Адпаведны Указ № 438 падпісаў 23 снежня Кіраўнік дзяржавы Аляксандр Лукашэнка.

    Беларускія пашпарты атрымаюць замежныя грамадзяне і асобы без грамадзянства, якія прыбылі ў Беларусь з 18 краін, у тым ліку 155 грамадзян Украіны.

    Гэта рашэнне, прынятае спецыяльна напярэдадні Новага года, безумоўна, стане святочнай падзеяй для тых людзей, якія яго чакалі.

    За перыяд выканання даручэння Кіраўніка дзяржавы, дадзенага ў ходзе "Вялікай размовы з Прэзідэнтам", беларускае грамадзянства атрымалі 7317 іншаземцаў і асоб без грамадзянства, у тым ліку 5491 украінец. Грамадзянства ім было прадастаўлена як па рашэнні Прэзідэнта, так і ў спрошчаным парадку.