Аб утварэнні Апеляцыйнага эканамічнага суда

Прэзідэнт Беларусі Аляксандр Лукашэнка 3 красавіка падпісаў Указ № 141 аб утварэнні Апеляцыйнага эканамічнага суда.

Гэта рашэнне прынята Кіраўніком дзяржавы ў мэтах рэалізацыі палажэнняў Кодэкса грамадзянскага судаводства, якім прадугледжваецца стварэнне трохзвенавой сістэмы эканамічных судоў.

Такое структурнае пераўтварэнне адбудзецца за кошт падзелу дзейнасці судоў першай і апеляцыйнай інстанцый, якія цяпер функцыянуюць у рамках аднаго суда. Гэта стане важным крокам у напрамку павышэння эфектыўнасці выканання правасуддзя па эканамічных справах.

Апеляцыйны эканамічны суд у статусе працэсуальнага органа пачне сваю работу з 1 студзеня 2026 года, г.зн. з даты ўступлення ў сілу Кодэкса грамадзянскага судаводства.

Суд плануецца сфарміраваць за кошт існуючай колькасці суддзяў і работнікаў апаратаў іншых судоў. Усяго ў ім будуць працаваць 27 суддзяў, уключаючы старшыню і яго намеснікаў.

Вярхоўнаму Суду даручана ўнесці прапановы па кандыдатурах на кіруючыя і судзейскія пасады, а таксама вырашыць усе неабходныя арганізацыйныя пытанні, накіраваныя на забеспячэнне дзейнасці новага судовага органа.