Аб назначэнні выбараў у Савет Рэспублікі Нацыянальнага сходу Рэспублікі Беларусь пятага склікання

У адпаведнасці з пунктам 2 артыкула 84 Канстытуцыі Рэспублікі Беларусь п а с т а н а ў л я ю:

1. Назначыць выбары ў Савет Рэспублікі Нацыянальнага сходу Рэспублікі Беларусь пятага склікання на перыяд з 30 чэрвеня па 30 верасня 2012 г.

2. Цэнтральнай камісіі Рэспублікі Беларусь па выбарах і правядзенню рэспубліканскіх рэферэндумаў у адпаведнасці са сваімі паўнамоцтвамі арганізаваць правядзенне выбараў у Савет Рэспублікі Нацыянальнага сходу Рэспублікі Беларусь і ажыццяўляць кантроль за выкананнем заканадаўства аб выбарах.

3. Мясцовым прадстаўнічым, выканаўчым і распарадчым органам забяспечыць выкананне ва ўстаноўленыя Выбарчым кодэксам Рэспублікі Беларусь тэрміны аднесеных да іх кампетэнцыі арганізацыйных мерапрыемстваў па падрыхтоўцы і правядзенню выбараў у Савет Рэспублікі Нацыянальнага сходу Рэспублікі Беларусь.

4. Савету Міністраў Рэспублікі Беларусь забяспечыць фінансаванне расходаў на падрыхтоўку і правядзенне выбараў у Савет Рэспублікі Нацыянальнага сходу Рэспублікі Беларусь у межах сродкаў, прадугледжаных у рэспубліканскім бюджэце на гэтыя мэты.

5. Гэты Указ уступае ў сілу са дня яго афіцыйнага апублікавання.

Прэзідэнт Рэспублікі Беларусь А.Лукашэнка