Віншаванне Уладзіміру Пуціну з перамогай на выбарах Прэзідэнта Расійскай Федэрацыі
Прэзідэнт Беларусі Аляксандр Лукашэнка павіншаваў Уладзіміра Пуціна з пераканаўчай перамогай на выбарах Прэзідэнта Расійскай Федэрацыі.
"Гэты вынік сведчыць аб высокім даверы і падтрымцы грамадзянамі Расіі ўзятага курсу на ўстойлівае сацыяльна-эканамічнае развіццё краіны, умацаванне яе аўтарытэту на міжнароднай арэне. Упэўнены, што гістарычныя вузы дружбы і ўзаемаразумення нашых народаў стануць залогам далейшага пашырэння беларуска-расійскага стратэгічнага партнёрства", - гаворыцца ў віншаванні.
"Чакаем Вас з візітам у нашу краіну для правядзення пасяджэння Вышэйшага Дзяржаўнага Савета Саюзнай дзяржавы і абмеркавання актуальных пытанняў двухбаковага супрацоўніцтва", - адзначыў беларускі лідар.
Аляксандр Лукашэнка пажадаў Уладзіміру Пуціну моцнага здароўя, невычэрпнай энергіі і далейшых здзяйсненняў на карысць брацкага народа Расіі.