Памер шрыфту:
A
A
A
Колер сайта:
К
К
К
Настройкі
Афіцыйны інтэрнэт-партал Прэзідэнта Рэспублікі Беларусь
Прэзідэнт Рэспублікі Беларусь
28 кастрычніка 2019 года

Спартсмены і трэнеры па веславанні на байдарках і каноэ ўдастоены дзяржузнагарод

Спартсмены і трэнеры па веславанні на байдарках і каноэ ўдастоены дзяржаўных узнагарод за шматгадовую плённую працу, высокае прафесійнае майстэрства, значны асабісты ўклад у развіццё гэтага віду спорту, падрыхтоўку спартсменаў высокага класа і дасягненне выдатных спартыўных вынікаў на чэмпіянатах свету і Еўропы, II Еўрапейскіх гульнях 2019 года. Адпаведны Указ Прэзідэнт Беларусі Аляксандр Лукашэнка падпісаў 28 кастрычніка.

Медалём "За працоўныя заслугі" ўзнагароджаны трэнер-выкладчык філіяла Гомельскага дзяржаўнага вучылішча алімпійскага рэзерву Міхаіл Аземша, старшыя трэнеры нацыянальнай каманды Беларусі Мікалай Банько і Генадзь Галіцкі. Гэтай узнагароды ўдастоены таксама спартсмены-інструктары нацыянальнай каманды Марына Літвінчук і Вольга Худзенка.

Ганаровае званне "Заслужаны майстар спорту Рэспублікі Беларусь" прысвоена спартсмену-інструктару нацыянальнай каманды Арцёму Козыру.

Аляксандр Лукашэнка таксама падпісаў распараджэнне, у адпаведнасці з якім Падзяка Прэзідэнта аб'яўлена 8 спартсменам за высокі прафесіяналізм, дасягненне выдатных спартыўных вынікаў на міжнародных спаборніцтвах па веславанні на байдарках і каноэ. Падзякі ўдастоены таксама 15 прадстаўнікоў трэнерскага складу за шматгадовую плённую працу ў сферы фізкультуры і спорту, выдатныя дасягненні ў падрыхтоўцы спартсменаў высокага класа, прафесійнае майстэрства, значны асабісты ўклад у забеспячэнне высокакваліфікаванага медыцынскага і фармакалагічнага абслугоўвання спартсменаў нацыянальнай каманды.
Тэгі:
Прэзідэнт Падзеі Дакументы Дзяржава Беларусь
© 2019, Прэс-служба Прэзідэнта Рэспублікі Беларусь
Настройкі шрыфту
Шрыфт:
Trebuchet MS
Georgia
Iнтэрвал памiж лiтарамі:
Стандартны
Павялічаны
Вялікі
Каляровая схема:
Чорным
па белым
Белым
па чорным
Цёмна-сінім
па блакітным
Карычневым
па бэжавым
Вярнуць стандартныя настройкі
Закрыць