Спачуванне Прэзідэнту Рэспублікі Філіпіны Радрыгу Дутэртэ

    Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні Прэзідэнту Рэспублікі Філіпіны Радрыгу Дутэртэ ў сувязі са шматлікімі чалавечымі ахвярамі і маштабнымі разбурэннямі ў выніку паводкі і апоўзняў, выкліканых трапічным цыклонам "Мангхут".

    Кіраўнік дзяржавы падкрэсліў, што ў Беларусі гэтыя паведамленні ўспрынялі з вялікім болем. Ён таксама перадаў шчырыя словы падтрымкі і спачуванні родным і блізкім загінулых, пажаданні хуткага выздараўлення пацярпелым і аднаўлення закранутых стыхіяй рэгіёнаў краіны.