Памер шрыфту:
A
A
A
Колер сайта:
К
К
К
Настройкі
Афіцыйны інтэрнэт-партал Прэзідэнта Рэспублікі Беларусь
Прэзідэнт Рэспублікі Беларусь
18 мая 2020 года

Каментарый да Указа № 168 ад 18 мая 2020 г.

Прэзідэнт Беларусі Аляксандр Лукашэнка 18 мая падпісаў Указ № 168 "Аб Адзіным рэестры маёмасці", накіраваны на ўдасканаленне ўліку і кіравання дзяржаўнай маёмасцю, маёмасцю юрыдычных асоб з удзелам дзяржавы і Саюзнай дзяржавы, а таксама механізма кантролю за яе выкарыстаннем.

У адпаведнасці з дакументам, на існуючай базе Адзінага рэестра дзяржаўнай маёмасці, уладальнікам якой з'яўляецца Дзяржкаммаёмасць, створана дзяржаўная інфармацыйная сістэма "Адзіны рэестр маёмасці".

Пералік звестак, змешчаных у адзіным рэестры, пашыраны. Ён дапоўнены данымі аб маёмасці, якая знаходзіцца ва ўласнасці гаспадарчых таварыстваў, аб жылых дамах, жылых памяшканнях дзяржаўнага жыллёвага фонду, марскіх і рачных суднах, дагаворах арэнды (найму) дзяржаўнай маёмасці, а таксама аб маёмасці Саюзнай дзяржавы ў Беларусі.

Праваўладальнікі адпаведнай маёмасці (рэспубліканскія і камунальныя юрыдычныя асобы, гаспадарчыя таварыствы і рэспубліканскія дзяржаўна-грамадскія аб'яднанні) надзелены правам на ўнясенне інфармацыі ў Адзіны рэестр, а таксама яе актуалізацыю. Пры гэтым сам працэс максімальна аўтаматызуецца.

Арганізацыйна-метадалагічнае кіраўніцтва работамі па фарміраванні (вядзенні) і актуалізацыі адзінага рэестра ўскладзена на Дзяржкаммаёмасць. Указ будзе садзейнічаць прыняццю кіраўніцкіх рашэнняў па эфектыўным выкарыстанні дзяржаўных маёмасных рэсурсаў.

Тэгі:
Чытайце таксама:
Прэзідэнт Падзеі Дакументы Дзяржава Беларусь
© 2020, Прэс-служба Прэзідэнта Рэспублікі Беларусь
Настройкі шрыфту
Шрыфт:
Trebuchet MS
Georgia
Iнтэрвал памiж лiтарамі:
Стандартны
Павялічаны
Вялікі
Каляровая схема:
Чорным
па белым
Белым
па чорным
Цёмна-сінім
па блакітным
Карычневым
па бэжавым
Вярнуць стандартныя настройкі
Закрыць