Памер шрыфту:
A
A
A
Колер сайта:
К
К
К
Настройкі
Афіцыйны інтэрнэт-партал Прэзідэнта Рэспублікі Беларусь
Прэзідэнт Рэспублікі Беларусь

Асноўныя факты

Працягласць тэрыторыі рэспублікі з поўначы на поўдзень 560 кіламетраў, з захаду на ўсход 650 кіламетраў. Агульная працягласць Дзяржаўнай граніцы складае 3617 кіламетраў, у тым ліку з Еўрасаюзам - 1250 кіламетраў. Плошча – 207,6 тыс. квадратных кіламетраў. Па плошчы Беларусь пераўзыходзіць такія еўрапейскія краіны, як Грэцыя, Партугалія, Аўстрыя, Нідэрланды, Бельгія, Чэхія.

Клімат Беларусі ўмерана кантынентальны. Асноўныя яго характарыстыкі абумоўлены размяшчэннем краіны ў сярэдніх шыротах, адсутнасцю гор, адноснай блізкасцю да Атлантычнага акіяна. Самы цёплы месяц – ліпень, самы халодны – студзень.

На тэрыторыі Беларусі налічваецца больш за 20 тыс. рэк. Самыя буйныя рэкі – Днепр, Заходняя Дзвіна і Нёман. Беларусь называюць "сінявокай", паколькі на яе тэрыторыі знаходзіцца звыш 10 тыс. азёр. Самае вялікае возера – Нарач (плошча – 79,6 кв.км), самае глыбокае – Доўгае (глыбіня – 53,6 м).

Сельскагаспадарчыя землі складаюць 41,1% тэрыторыі Беларусі, лясныя землі - 42,2%, азёры, рэкі і балоты - 6,1%, іншыя землі - 10,5%.

У Рэспубліцы Беларусь шэсць абласцей – Брэсцкая, Віцебская, Гомельская, Гродзенская, Магілёўская, Мінская, якія падзяляюцца на 118 раёнаў.

Колькасць насельніцтва Рэспублікі Беларусь на пачатак 2017 года склала 9 млн 504,7 тыс. чалавек, 77,9% яго сканцэнтравана ў гарадах. У сталіцы Беларусі - горадзе Мінску - пражываюць 1 млн 974,8 тыс. чалавек - пятая частка насельніцтва краіны.

Нацыянальны склад – беларусы (больш як 80%), рускія, палякі, украінцы, яўрэі, літоўцы і прадстаўнікі іншых нацыянальнасцей.

Дзяржаўнымі мовамі з'яўляюцца беларуская і руская.

Рэспубліка Беларусь – унітарная дэмакратычная сацыяльная прававая дзяржава. Дзейнічае Канстытуцыя Рэспублікі Беларусь 1994 года са змяненнямі і дапаўненнямі, прынятымі на рэспубліканскіх рэферэндумах 24 лістапада 1996 года і 17 кастрычніка 2004 года.
Прэзідэнт Падзеі Дакументы Дзяржава Беларусь
© 2017, Прэс-служба Прэзідэнта Рэспублікі Беларусь
Настройкі шрыфту
Шрыфт:
Trebuchet MS
Georgia
Iнтэрвал памiж лiтарамі:
Стандартны
Павялічаны
Вялікі
Каляровая схема:
Чорным
па белым
Белым
па чорным
Цёмна-сінім
па блакітным
Карычневым
па бэжавым
Вярнуць стандартныя настройкі
Закрыць