Тэлефонная размова з генеральным дырэктарам дзяржкарпарацыі "Раскосмас" Юрыем Барысавым

Адбылася тэлефонная размова Прэзідэнта Беларусі Аляксандра Лукашэнкі з генеральным дырэктарам дзяржкарпарацыі "Раскосмас" Юрыем Барысавым, які праінфармаваў Кіраўніка беларускай дзяржавы аб прычынах няштатнай сітуацыі, што адбылася напярэдадні на стартавай пляцоўцы касмадрома Байканур.

Як заявіў Юрый Барысаў, усе недахопы ліквідаваны ў адпаведнасці з рэгламентам, які прадугледжаны для такіх сітуацый. Заключэнне дзяржкамісіі будзе гатова ўжо сёння.

Старт экіпажа карабля "Саюз МС-25", у склад якога ўваходзіць і беларуска Марына Васілеўская, намечаны на 23 сакавіка ў 15.36 па маскоўскім і мінскім часе. Генеральны дырэктар "Раскосмасу" запэўніў, што ўсё пройдзе штатна.