Аляксей Башан назначаны членам Цэнтральнай выбарчай камісіі

Прэзідэнт Беларусі Аляксандр Лукашэнка 19 красавіка падпісаў Указ № 165, у адпаведнасці з якім Аляксей Башан назначаны членам Цэнтральнай выбарчай камісіі.

Аляксей Башан - першы намеснік начальніка Акадэміі МУС, палкоўнік міліцыі, кандыдат юрыдычных навук, прафесар. Яго кандыдатура была рэкамендавана сумесным рашэннем прэзідыума Мінскага гарадскога Савета дэпутатаў і Мінскага гарадскога выканаўчага камітэта.

Згодна з выбарчым заканадаўствам члены ЦВК, за выключэннем старшыні і сакратара, ажыццяўляюць свае паўнамоцтвы на непрафесійнай аснове.