Аб прысуджэнні спецыяльнай прэміі Прэзідэнта Рэспублікі Беларусь

Прэзідэнт Беларусі Аляксандр Лукашэнка прысудзіў прэміі "За духоўнае адраджэнне" і спецыяльныя прэміі дзеячам культуры і мастацтва. Адпаведныя ўказы Кіраўнік дзяржавы падпісаў 19 снежня. 

За актыўную дзейнасць у гуманітарнай галіне, якая садзейнічае ўмацаванню духоўных каштоўнасцей і маральных традыцый беларускага народа і патрыятычнаму выхаванню моладзі, па выніках 2023 года прысуджаны пяць прэмій Прэзідэнта "За духоўнае адраджэнне". 

Ігумення Свята-Пакроўскага жаночага манастыра Анфіса (Антаніна Любчак) удастоена высокай узнагароды за вялікі асабісты ўклад ва ўмацаванне духоўных каштоўнасцей, культурнае і маральнае выхаванне дзяцей і моладзі, актыўны ўдзел у адраджэнні культурна-гістарычных каштоўнасцей Віцебскай вобласці. 

Прэмія таксама прысуджана калектывам 

Полацкага кадэцкага вучылішча - за плённую дзейнасць у грамадзянска-патрыятычным выхаванні падрастаючага пакалення; 
Гомельскага гарадскога цэнтра інклюзіўнай культуры - за актыўную дзейнасць у гуманітарнай сферы, значны ўклад у развіццё творчых здольнасцей і сацыяльную адаптацыю людзей з абмежаванымі магчымасцямі; 

Рэспубліканскага навукова-практычнага цэнтра "Маці і дзіця" - за выдатныя дасягненні ў паляпшэнні якасці і даступнасці медыцынскай дапамогі, папулярызацыю ў грамадстве сямейных каштоўнасцей; 

Магілёўскага абласнога метадычнага цэнтра народнай творчасці і культурна-асветнай работы - за значны ўклад у захаванне культурнай спадчыны Беларусі і рэалізацыю культурна-турыстычнага праекта - свята "Купалле" ("Александрыя збірае сяброў"). 

За выдатныя дасягненні ў галіне тэатральнага, музычнага, дэкаратыўна-прыкладнога мастацтва, народнай і аматарскай мастацкай творчасці, навучання і выхавання творчай моладзі, якія атрымалі грамадскае прызнанне, прысуджаны 10 спецыяльных прэмій Прэзідэнта Беларусі дзеячам культуры і мастацтва. 

Высокай узнагароды ўдастоены аўтарскі калектыў у складзе намесніка начальніка аддзела культурна-асветнай работы, мастацтваў і навучальных устаноў упраўлення культуры Гродзенскага аблвыканкама Вольгі Багдановіч, старшыні Свіслацкага райвыканкама Аляксандра Вярсоцкага і намесніка старшыні праўлення Гродзенскага абласнога спажывецкага таварыства Алены Чыкавай. Яны ўдастоены прэміі за значны ўклад у рэалізацыю творчых праектаў па захаванні традыцыйнай культуры Беларусі і правядзенне каравай-фэсту "Бацькава булка". 

За значны ўклад у захаванне гістарычнай памяці і праўды пра Вялікую Айчынную вайну і рэалізацыю праектаў "Апошнія сведкі", "Генацыд. Без права на жыццё" спецыяльнай прэміі Прэзідэнта Беларусі ўдастоены Генеральная пракуратура, Беларускае тэлеграфнае агенцтва і Нацыянальная дзяржаўная тэлерадыёкампанія. 

Народны духавы аркестр "Віціны" Стаўбцоўскай дзіцячай школы мастацтваў адзначаны ўзнагародай за значны ўклад у выхаванне творчай моладзі, актыўны ўдзел у грамадска-культурных праектах, а тэатр эстраднай песні "Сябрынка" Палаца культуры МАЗ - за развіццё лепшых традыцый і дасягненняў нацыянальнага мастацтва, актыўны ўдзел у мерапрыемствах патрыятычнай тэматыкі. 

Спецыяльныя прэміі таксама прысуджаны 

рэжысёру Іване Жыган і калектыву Нацыянальнага акадэмічнага драматычнага тэатра імя М.Горкага за значны ўклад у захаванне і папулярызацыю славянскай культуры, рэалізацыю сумесных беларуска-сербскіх творчых праектаў; 

паэту-песенніку Ганне Сялук (Ганне Сяргееўне Лукашэнка) - за вялікі асабісты ўклад у развіццё сучаснага музычнага мастацтва, рэалізацыю сацыяльна значных культурных ініцыятыў; 

майстру народных музычных інструментаў Руслану Макарэвічу - за плённую працу па адраджэнні традыцый вырабу музычных інструментаў; 

загадчыцы трупы оперы Вялікага тэатра Беларусі Настассі Масквіной - за высокае прафесійнае майстэрства, выдатныя дасягненні ў сферы музычна-тэатральнага мастацтва; 

метадысту Гродзенскага абласнога метадычнага цэнтра народнай творчасці Алене Шунейка - за плённую працу па захаванні традыцый вырабу габеленаў; 

1-й і 2-й роце і аркестру ганаровай варты Мінскай ваеннай камендатуры - за значныя дасягненні ў патрыятычным выхаванні моладзі, актыўны ўдзел у грамадска-палітычных і культурных мерапрыемствах.