Аб аб'яўленні Падзякі Прэзідэнта Рэспублікі Беларусь

За высокае прафесійнае майстэрства і значны асабісты ўклад у папярэджанне і спыненне эканамічных правапарушэнняў Падзяка Прэзідэнта Беларусі аб'яўлена супрацоўнікам Камітэта дзяржаўнага кантролю. Адпаведнае распараджэнне падпісаў Кіраўнік дзяржавы Аляксандр Лукашэнка.

У ліку ўдастоеных Падзякі Прэзідэнта - намеснік начальніка аналітычнага ўпраўлення Дэпартамента фінансавага маніторынгу КДК Юлія Бруева, вядучы дзяржаўны інспектар Лідскага міжраённага камітэта дзяржаўнага кантролю Вольга Буйко, начальнік аддзела кантролю спажывецкага рынку і сферы паслуг КДК Брэсцкай вобласці Антон Завістовіч, намеснік начальніка ўпраўлення кантролю за работай аграпрамысловага і прыродаахоўнага комплексаў КДК Магілёўскай вобласці Аляксандр Зносінка, начальнік упраўлення кантролю за работай галін гаспадаркі КДК па Гомельскай вобласці Дзмітрый Прыкота.

За ўзорнае выкананне службовых абавязкаў, значныя дасягненні ў дзяржаўнай грамадзянскай службе вялікая колькасць супрацоўнікаў розных падраздзяленняў Камітэта дзяржаўнага кантролю таксама ўдастоены медалёў "За бездакорную службу" ІІІ ступені.