Аб заахвочванні
Больш як Br370 тыс. накіравана са спецыяльнага фонду Прэзідэнта Рэспублікі Беларусь па падтрымцы таленавітай моладзі на выплату заахвочванняў і прадастаўленне гранта. Адпаведнае рашэнне савета спецфонду зацверджана распараджэннем, якое падпісаў Кіраўнік дзяржавы Аляксандр Лукашэнка.
Выдзеленыя фінансавыя сродкі накіраваны на выплату 40 заахвочванняў (35 спецыяльных прэмій і 5 гранд-прэмій 9 творчым калектывам і 31 прадстаўніку таленавітай моладзі) і прадастаўленне гранта на арганізацыю і правядзенне дзіцяча-юнацкага культурна-асветнага праекта "Мы - музычная будучыня краіны".
Заахвочваннямі фонду адзначаны пераможцы міжнародных і рэспубліканскіх творчых конкурсаў і фестываляў.
Грант выдзелены дзяржаўнай установе "Мінскканцэрт" на рэалізацыю сумеснага творчага праекта Нацыянальнага акадэмічнага аркестра сімфанічнай і эстраднай музыкі Рэспублікі Беларусь імя М.Я.Фінберга з навучэнцамі дзіцячых школ мастацтваў горада Мінска і рэгіёнаў, лаўрэатамі і стыпендыятамі спецыяльнага фонду Прэзідэнта.
Распараджэнне з'яўляецца сведчаннем увагі дзяржавы да стварэння ўмоў для пошуку, развіцця і навучання таленавітай моладзі, стымулявання яе творчай актыўнасці, прафесійнага росту і станаўлення.
