Віншаванне з Днём будаўніка
Прэзідэнт Беларусі Аляксандр
Лукашэнка павіншаваў работнікаў будаўнічага комплексу з надыходзячым
прафесійным святам - Днём будаўніка.
"Гісторыя айчыннай
будаўнічай індустрыі памятае нямала прыкладаў самаадданай працы, што выклікаюць
пачуццё гонару і шчырага захаплення. Людзі, якія выбралі гэту прафесію, заўсёды
карысталіся заслужанай павагай у грамадстве. У многім дзякуючы іх таленту і
старанню мяняецца аблічча нашай Беларусі, узводзяцца камфортныя мікрараёны,
утульныя дзіцячыя сады і школы, сучасныя спартыўныя арэны", - адзначыў
беларускі лідар.
Кіраўнік дзяржавы падкрэсліў,
што работнікі будаўнічага комплексу ўносяць значны ўклад у дынамічнае развіццё
эканомікі, пашыраючы геаграфію экспарту сваіх паслуг.
Аляксандр Лукашэнка ўпэўнены,
што багатая архітэктурная спадчына і ўласцівае беларускаму народу імкненне да
стварэння заўсёды будуць натхняць сучаснае пакаленне будаўнікоў на рэалізацыю
новых задач і амбіцыйных праектаў, а дасягнутыя поспехі стануць асновай для
выхавання дастойных пераемнікаў.