Афіцыйны інтэрнэт-партал Прэзідэнта Рэспублікі Беларусь
Бел
Навіны

Ордэна Маці ўдастоены 114 жыхарак Віцебскай, Гомельскай, Гродзенскай, Магілёўскай і Мінскай абласцей

19 чэрвеня 2020 года

Прэзідэнт Беларусі Аляксандр Лукашэнка падпісаў Указ № 230 аб узнагароджанні ордэнам Маці. 

За нараджэнне і выхаванне пяці і больш дзяцей узнагароды ўдастоены прадстаўніцы розных сфер дзейнасці. У іх ліку работніцы прадпрыемстваў прамысловага сектара, аграпрамысловага комплексу, арганізацый гандлю, адукацыі, аховы здароўя, сувязі, сацыяльнага абслугоўвання і культуры, хатнія гаспадыні. 

Сярод узнагароджаных - настаўнік Варапаеўскай сярэдняй школы Пастаўскага раёна Таццяна Насевіч, токар-паўаўтаматчык цэха вытворчасці вырабаў з металу Гомельскага завода ліцця і нармалей Наталля Кавалёва, таваразнавец Шчучынскага філіяла Гродзенскага абласнога спажывецкага таварыства Вольга Арціш, сартавальнік матэрыялаў і вырабаў з драўніны Завода газетнай паперы ў Шклове Вольга Чычова, жывёлавод прадпрыемства "Усход-Агра" Маладзечанскага раёна Ганна Бондар і медсястра Лагойскай цэнтральнай раённай бальніцы Святлана Паўлоўская. 

Усяго ордэна Маці ўдастоены 114 жыхарак Віцебскай, Гомельскай, Гродзенскай, Магілёўскай і Мінскай абласцей.
© 2020, Прэс-служба Прэзідэнта Рэспублікі Беларусь