Каментарый да Дэкрэта № 4 ад 16 ліпеня 2019 г.
Прэзідэнт Беларусі Аляксандр Лукашэнка падпісаў Дэкрэт № 4, якім уносяцца змяненні ў шэраг дзеючых дэкрэтаў. Дакумент прыняты ў мэтах прывядзення заканадаўства ў адпаведнасць з новай рэдакцыяй Падатковага кодэкса, які ўступіў у сілу з 1 студзеня 2019 года.
Неабходнасць змяненняў абумоўлена палажэннямі Падатковага кодэкса, якія прадугледжваюць:
вывядзенне з-пад падаткаабкладання падаткам на нерухомую маёмасць аб'ектаў звышнарматыўнага незавершанага будаўніцтва, выключэнне падаткаабкладання такіх аб'ектаў зямельным падаткам па павышанай стаўцы;
адмену права мясцовых Саветаў дэпутатаў павялічваць да 10 разоў стаўкі падатку на нерухомую маёмасць па невыкарыстоўваемых і неэфектыўна выкарыстоўваемых аб'ектах, а таксама зямельнага падатку за зямельныя ўчасткі, занятыя такімі аб'ектамі;
зняцце забароны на прымяненне спрошчанай сістэмы падаткаабкладання суб'ектамі гаспадарання, якія ажыццяўляюць рознічны гандаль праз інтэрнэт-магазіны, а таксама аказваюць паслугі, звязаныя з размяшчэннем на сайце інфармацыі аб інтэрнэт-магазінах.
Акрамя таго, уносімыя змяненні накіраваны на ўдасканаленне дзеючага механізма ўстанаўлення тэрмінаў выплаты ПДВ пры ўвозе ў Беларусь тэхналагічнага абсталявання.