Афіцыйны інтэрнэт-партал Прэзідэнта Рэспублікі Беларусь
Бел
Навіны

Каментарый да Дэкрэта № 5 ад 2 верасня 2019 г.

3 верасня 2019 года

Прэзідэнт Беларусі Аляксандр Лукашэнка падпісаў Дэкрэт № 5, якім уносяцца змяненні ў Дэкрэт № 3 ад 20 сакавіка 1998 года "Аб прыватызацыі дзяржаўнай уласнасці ў рэспубліцы Беларусь".

Неабходнасць прыняцця дакумента абумоўлена існаваннем двайной адказнасці гаспадарчых таварыстваў у выпадку, калі яны нясвоечасова пералічалі ў бюджэт дывідэнды, налічаныя на прыналежныя дзяржаве акцыі. За пратэрміноўку такіх плацяжоў падатковыя органы ў бясспрэчным парадку спаганялі асноўную суму плацяжу, штраф у памеры 10% ад асноўнай сумы плацяжу незалежна ад сумы выплачаных дывідэндаў, а таксама пеню.

Згодна з прынятым Дэкрэтам, адмяняецца штраф за нясвоечасовае пералічэнне дывідэндаў з захаваннем пры гэтым палажэння аб спагнанні ў бясспрэчным парадку не выплачаных ва ўстаноўлены тэрмін сум дывідэндаў (або іх астаткаў у выпадку няпоўнай выплаты) і пеняў на гэту суму.

Акрамя таго, прадугледжваецца выключэнне асобных норм заканадаўства, якія страцілі сваю актуальнасць.

© 2019, Прэс-служба Прэзідэнта Рэспублікі Беларусь