Прэзідэнт Рэспублікі Беларусь Аляксандр Лукашэнка павіншаваў вядучага майстра сцэны Нацыянальнага акадэмічнага драматычнага тэатра імя М.Горкага, народнага артыста СССР Расціслава Янкоўскага з 80-годдзем з дня нараджэння.

Кіраўнік беларускай дзяржавы падкрэсліў, што творчасць Расціслава Янкоўскага служыць прыкладам рэдкага акцёрскага таленту, найвышэйшага прафесіяналізму, няспынных духоўных пошукаў і адданасці свайму прызванню.

«Мы цэнім Вас і як галаву цудоўнай дынастыі Янкоўскіх, якая ўнесла вялікі ўклад у развіццё савецкай, беларускай і рускай культуры», - адзначыў Аляксандр Лукашэнка ў віншаванні.