Аб унясенні дапаўненняў і змяненняў ва Указ Прэзідэнта Рэспублікі Беларусь ад 13 кастрычніка 2006 г. № 615

У мэтах упарадкавання і ўдасканалення асобных пытанняў у сферы ацэначнай дзейнасці, забеспячэння правоў і законных інтарэсаў грамадзян і юрыдычных асоб пры правядзенні ацэнкі кошту аб’ектаў грамадзянскіх правоў у Рэспубліцы Беларусь п а с т а н а ў л я ю:

1. Унесці ва Указ Прэзідэнта Рэспублікі Беларусь ад 13 кастрычніка 2006 г. № 615 ”Аб ацэначнай дзейнасці ў Рэспубліцы Беларусь“ (Нацыянальны рэестр прававых актаў Рэспублікі Беларусь, 2006 г., № 168, 1/7999; 2008 г., № 27, 1/9376) наступныя дапаўненні і змяненні:

1.1. у пункце 1:

дапоўніць падпункт 1.5 словамі ”, а таксама створанымі Беларускай гандлёва-прамысловай палатай арганізацыямі згодна з дадаткам“;

у падпункце 1.8:

пасля абзаца адзінаццатага дапоўніць падпункт абзацам наступнага зместу :

”пераацэнку асноўных сродкаў, не завершаных будаўніцтвам аб’ектаў і неўстаноўленага абсталявання;“;

абзац дванаццаты лічыць абзацам трынаццатым;

дапоўніць пункт падпунктам 1.9 наступнага зместу:

”1.9. дзейнасць судовых экспертаў, звязаная з экспертызай дакладнасці ацэнкі кошту аб’ектаў грамадзянскіх правоў, ажыццяўляецца ў адпаведнасці з заканадаўствам аб судова-экспертнай дзейнасці з улікам асаблівасцей, прадугледжаных гэтым Указам, тэхнічнымі і іншымі нарматыўнымі прававымі актамі аб ацэнцы кошту аб’ектаў грамадзянскіх правоў.“;

1.2. дапоўніць гэты Указ дадаткам (прыкладаецца);

1.3. у Палажэнні аб ацэнцы кошту аб’ектаў грамадзянскіх правоў у Рэспубліцы Беларусь, зацверджаным гэтым Указам:

частку другую пункта 1 пасля слова ”матэрыялы“ дапоўніць словамі ”, долі ў статутным фондзе юрыдычнай асобы, каштоўныя паперы, маёмасныя правы“;

дапоўніць абзац пяты пункта 2 словамі ”, для якіх гэта арганізацыя з’яўляецца асноўным месцам работы“;

з падпункта 3.5 пункта 3 другі сказ выключыць;

пункт 4 выкласці ў наступнай рэдакцыі:

”4. А цэнка кошту аб’ектаў ацэнкі ажыццяўляецца ў адпаведнасці з тэхнічнымі і іншымі нарматыўнымі прававымі актамі аб ацэнцы кошту аб’ектаў грамадзянскіх правоў, якія з’яўляюцца абавязковымі для прымянення ацэншчыкамі і судовымі экспертамі.“;

у пункце 5:

частку першую дапоўніць словамі ”, аб’ектаў, якія паступяць ім у будучым і якія на дату ацэнкі не лічацца створанымі ў адпаведнасці з заканадаўствам“;

у частцы другой словы ”заканадаўчымі актамі“ замяніць словам ”заканадаўствам“;

пункт 6 пасля слова ”набыцця“ дапоўніць словам
”, будаўніцтва“;

пункт 21 дапоўніць часткай другой наступнага зместу:

”Абавязковая ацэнка можа быць унутранай і (або) незалежнай, калі ў акце заканадаўства, якое ўстанаўлівае абавязковае правядзенне ацэнкі кошту аб’ектаў ацэнкі, прама не прадугледжана, што такая ацэнка павінна быць незалежнай.“;

дадатак да названага Палажэння выкласці ў рэдакцыі (прыкладаецца).

2. Гэты Указ уступае ў сілу з першага чысла месяца, наступнага за месяцам яго афіцыйнага апублікавання.

Прэзідэнт Рэспублікі Беларусь А.Лукашэнка