Дарагія суайчынніцы!

Прыміце мае самыя шчырыя віншаванні з Днём жанчын.

Гэта цудоўнае свята - прызнанне ў любві і павазе да прыгожай палавіны чалавецтва.

Глыбокае захапленне выклікаюць духоўная дасканаласць, мудрасць і чароўнасць беларускіх жанчын. Прырода надзяліла вас пяшчотнасцю, чуласцю, працавітасцю і аптымізмам.

Жанчыны нашай краіны прымаюць актыўны ўдзел ва ўсіх сферах дзейнасці - у палітыцы, бізнесе, навуцы, культуры. Выказваю вам удзячнасць за стваральную працу на карысць роднай Айчыны.

Але галоўнае - вы забяспечваеце будучыню дзяржавы, даючы жыццё юным грамадзянам Беларусі. Нізкі паклон вам за гэта!

Асаблівая пашана старэйшым у родзе жанчынам - нашым бабулям і маці. Іх апекай і прыкладам жывуць сямейныя традыцыі, сувязь пакаленняў і моц сваяцкіх адносін.
Мілыя жанчыны! Дзякуй за тое, што ў нас ёсць вы - любячыя і любімыя.

Няхай мужчынская ўвага, пакланенне і клопат будуць пастаяннымі спадарожнікамі вашага жыцця!

Няхай вас заўсёды акружае велікадушнасць родных і блізкіх людзей.

Добрага здароўя, дабрабыту, міру і згоды, веры ў свае сілы і здзяйснення ўсіх жаданняў.

Будзьце шчаслівыя!

Аляксандр Лукашэнка.