Воінам-інтэрнацыяналістам,
ветэранам вайны ў Афганістане

Паважаныя таварышы!

Сёння па існуючай традыцыі паўсюдна адзначаецца Дзень памяці воінаў-інтэрнацыяналістаў, праходзяць мітынгі і паніхіды ў храмах.

Удалечыні ад Радзімы савецкія воіны, у ліку якіх было нямала нашых суайчыннікаў, праявілі мужнасць і самаахвярнасць, смела глядзелі ў твар небяспецы, пазналі сапраўдную цану чалавечага жыцця.

Горыч страт не пакідае сэрца. Сотні беларусаў не вярнуліся з Афганістана. Мы схіляем галаву перад светлай памяццю землякоў і ніколі не дазволім прынізіць значнасць іх гераічнага служэння свайму народу.

Воіны-інтэрнацыяналісты - патрыёты, пераемнікі ветэранаў Вялікай Айчыннай вайны, верныя высокім ідэалам, моцныя духам людзі - у мірнай і ратнай працы дэманструюць адданасць дабру і справядлівасці, прынцыповую жыццёвую пазіцыю.

Жадаю вам, вашым родным і блізкім мірнага неба, моцнага здароўя, шчасця і новых поспехаў на карысць любімай Беларусі.

Аляксандр Лукашэнка