Аб рабоце па рэалізацыі міжнародных дагавораў аб прававой дапамозе

Рэалізацыю міжнародных дагавораў Рэспублікі Беларусь аб прававой дапамозе па пытаннях, звязаных з дзейнасцю судоў, дзяржаўнага натарыята і органаў рэгістрацыі актаў грамадзянскага стану ажыццяўляе Міністэрства юстыцыі Рэспублікі Беларусь.

Міжнародныя дагаворы і канвенцыі ў прававой галіне маюць першарадную важнасць для абароны правоў і законных інтарэсаў грамадзян Рэспублікі Беларусь за мяжой. Яны прадастаўляюць нашым грамадзянам права на звароты ва ўстановы юстыцыі замежных дзяржаў за абаронай сваіх асабістых і маёмасных правоў.

Міністэрствам юстыцыі Рэспублікі Беларусь аказваецца прававая дапамога грамадзянам у пытаннях выканання міжнародных дагавораў аб прававой дапамозе, растлумачваецца парадак звароту ва ўстановы юстыцыі замежных дзяржаў, афармлення дакументаў у адпаведнасці з патрабаваннямі дагавораў.

Міністэрствам юстыцыі Рэспублікі Беларусь для аказання прававой дапамогі грамадзянам у складанні зваротаў да устаноў юстыцыі замежных дзяржаў распрацаваны наступныя ўзоры дакументаў:

• хадайніцтва аб прызнанні і дазволе прымусовага выканання судовага рашэння на тэрыторыі замежнай дзяржавы
  (дагаворы аб прававой дапамозе, якія прадугледжваюць прымусовае выкананне судовых рашэнняў);
• просьба аб спагнанні аліментаў
  (Канвенцыя аб спагнанні за мяжой аліментаў, прынятая ў рамках ААН 20.06.1956 года);
• заява аб вяртанні дзіцяці
  (Канвенцыя аб грамадзянскіх аспектах міжнароднага выкрадання дзяцей, прынятая на Чатырнаццатай сесіі Гаагскай канферэнцыі па міжнароднаму прыватнаму праву 25.10.1980 года).