Бел
Галоўная   /  Дакументы і каментарыі
Каментарый да Указа № 154 ад 11.05.2017

Аб фінансаванні камерцыйных арганізацый пад уступку правоў (патрабаванняў)

Новы інструмент прыцягнення фінансавання - сек'юрытызацыя - укараняецца на фінансавым рынку Беларусі. Адпаведны Указ № 154 "Аб фінансаванні камерцыйных арганізацый пад уступку правоў (патрабаванняў)" 11 мая падпісаў Прэзідэнт Беларусі Аляксандр Лукашэнка.

Названы інструмент прыцягнення фінансавання прадугледжвае пераўтварэнне розных відаў грашовых абавязацельстваў (што ўтвараюцца як у банкаўскай сферы, так і ў рэальным сектары эканомікі) у каштоўныя паперы.

У якасці такіх грашовых абавязацельстваў могуць выступаць абавязацельствы па крэдытных дагаворах, дагаворах лізінгу і іншыя віды дэбіторскай запазычанасці.

У мэтах рэалізацыі гэтай схемы фінансавання ўказам вызначаны шэраг новых тэрмінаў (напрыклад, вылучаныя актывы, ініцыятар, аперацыя сек'юрытызацыі, фінансавыя актывы і іншыя), кола суб'ектаў, а таксама падставы і ўмовы ўзнікнення, змяненні і спыненні адносін паміж усімі ўдзельнікамі аперацый сек'юрытызацыі.

Указ дасць магчымасць істотна пашырыць крыніцы фінансавання камерцыйных арганізацый і актывізаваць развіццё нацыянальнага рынку каштоўных папер.
© 2017, Прэс-служба Прэзідэнта Рэспублікі Беларусь