Бел
Галоўная   /  Дакументы і каментарыі
Дырэктыва № 4 ад 31 снежня 2010 г.

Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь

Прэзідэнт Рэспублікі Беларусь Аляксандр Лукашэнка 31 снежня падпісаў Дырэктыву № 4 "Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь".

Па сутнасці, гэта праграмны дакумент, накіраваны на далейшую лібералізацыю эканомікі і разняволенне дзелавой ініцыятывы, стварэнне спрыяльных умоў для дынамічнага і ўстойлівага развіцця Беларусі.

Дырэктыва змяшчае дзевяць раздзелаў, кожны з якіх сфакусіраваны на ліквідацыі існуючых бар'ераў, з якімі сутыкаюцца суб'екты прадпрымальніцкай дзейнасці.

Назвы гэтых раздзелаў сфармуляваны ў выглядзе канцэптуальных сістэмных патрабаванняў да ўсіх дзяржаўных органаў і арганізацый, грамадскіх аб'яднанняў і грамадзян краіны:

1. Забяспечыць далейшае развіццё добрасумленнай канкурэнцыі суб'ектаў прадпрымальніцкай дзейнасці незалежна ад формы ўласнасці.

2. Ствараць умовы для бесперашкоднага ажыццяўлення прадпрымальніцкай дзейнасці.

3. Ліквідаваць залішнія адміністрацыйныя бар'еры пры ўзаемадзеянні паміж дзяржаўнымі органамі і юрыдычнымі асобамі, грамадзянамі.

4. Завяршыць гарманізацыю падатковай сістэмы Беларусі з дзеючымі ў еўрапейскіх краінах. Надаць падатковаму заканадаўству характар, стымулюючы добрасумленнае выкананне падатковых абавязацельстваў і дзелавую ініцыятыву.

5. Надаць кантрольнай (нагляднай) дзейнасці папераджальны характар, перайсці да пераважнага выкарыстання прафілактычных мер, накіраваных на прадухіленне правапарушэнняў пры ажыццяўленні прадпрымальніцкай дзейнасці.

6. Удасканаліць інфраструктуру і сістэму фінансавання малога прадпрымальніцтва ў мэтах актывізацыі прадпрымальніцкай дзейнасці і забеспячэння эфектыўнай падтрымкі прадпрымальніцтва (прававой, арганізацыйнай і фінансавай).

7. Выключыць залішняе рэгуляванне рынку працы.

8. Сфарміраваць прававую базу, стымулюючую развіццё ў Беларусі механізмаў дзяржаўна-прыватнага партнёрства.

9. Забяспечыць адназначнае прававое рэгуляванне і стабільнасць заканадаўства, якое рэгулюе прадпрымальніцкую дзейнасць.

Тэкст Дырэктывы глядзіце, калі ласка, у рускай версіі на Партале Прэзідэнта Рэспублікі Беларусь
© 2017, Прэс-служба Прэзідэнта Рэспублікі Беларусь