Бел
Галоўная   /  Падзеі

Зацверджана рашэнне савета спецыяльнага фонду Прэзідэнта па падтрымцы адораных навучэнцаў і студэнтаў

10 ліпеня 2018 года
Кіраўнік дзяржавы Аляксандр Лукашэнка падпісаў Распараджэнне, якім зацверджана рашэнне савета спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.

У адпаведнасці з рашэннем 178 студэнтам і курсантам устаноў вышэйшай адукацыі назначаны стыпендыі Прэзідэнта Рэспублікі Беларусь; 20 пераможцам міжнародных алімпіяд і канферэнцыі прысуджаны грашовыя прэміі або заахвочвальныя стыпендыі з уручэннем нагруднага знака лаўрэата фонду; 858 пераможцаў шэрага міжнародных і рэспубліканскіх алімпіяд і конкурсаў заахвочваюцца грашовымі прэміямі.

Прыняцце Распараджэння Прэзідэнта Беларусі накіравана на забеспячэнне адраснай дзяржаўнай падтрымкі адораных навучэнцаў і студэнтаў, стварэнне спрыяльных умоў для іх далейшай вучобы і развіцця.
© 2018, Прэс-служба Прэзідэнта Рэспублікі Беларусь