Бел
Галоўная   /  Падзеі

Зацверджана крэдытнае пагадненне з ЕБРР для рэканструкцыі трасы М3

10 ліпеня 2020 года
Чытайце таксама:

Прэзідэнт Беларусі Аляксандр Лукашэнка зацвердзіў крэдытнае пагадненне (рэспубліканскія масты і рэканструкцыя аўтадарогі М3) паміж Беларуссю і Еўрапейскім банкам рэканструкцыі і развіцця. Кіраўнік дзяржавы падпісаў адпаведны Указ № 265.

Сродкі пазыкі ў суме 259 млн еўра будуць прадастаўлены прадпрыемству "Мінскаўтадар-Цэнтр" для рэалізацыі прадугледжаных пагадненнем мерапрыемстваў.

Савету Міністраў даручана забяспечваць ва ўстаноўленыя тэрміны пагашэнне і абслугоўванне пазыкі ЕБРР за кошт сродкаў рэспубліканскага бюджэту, Міністэрству транспарту і камунікацый - кантраляваць выкананне прадугледжаных крэдытным пагадненнем мерапрыемстваў і мэтавае выкарыстанне сродкаў.

© 2020, Прэс-служба Прэзідэнта Рэспублікі Беларусь